Sego a pensar que calquera día Google se nos pon a vender panos de papel ou mesmo coches. O último capítulo deste culebrón chega coa súa nova linguaxe de programación Open Source chamada "Go". Segundo os rumores os enxeñeiros en  Google están descontentos coa "lentitude" de Python  polo que crearon unha nova linguaxe de programación, que tenta arrexuntar a rapidez de desenvolvemento de Python co rendemento de C. Aquí vou explicar como poder probalo na nosa ubuntu e xulgar por nós mesmos.

O primeiro é crear unhas variábeis de contorno no noso .bashrc (ou .zshrc se empregades zsh coma min). Abrimos con gedit o ficheiro ~/.bashrc e engadimos:

A alfa de Google Chrome 2.0 trae boas novas para os usuarios de GNU/Linux e Mac que lle gostaría probar Chrome: Chrome 2.0 emprega a súa propia libraría HTTP fronte ó emprego da libraría WinHTTP só presente en Win2s.

A libraría HTTP de Windows era o principal impedimento para portar Google Chrome e facelo deste xeito multiplataforma, co que agora non existe este impedimento e os usuarios de GNU/Linux e Mac poden ollar nun futuro cercano un progreso significativo.

Google Chrome é un navegador de fonte aberta baseado en Webkit, como o son outros navegadores de escritorio ou de teléfonos, incluíndo Konqueror de KDE.

Confío pois que non tendremos que esperar moitas semás para que apareza unha versión beta de Chrome para a nosa plataforma, que tentaría colocarse no podio xunto a Firefox.

Como a familia de equipos na miña casa aumentou ultimamente, precisaba/procuraba un sistema pra ter os meus contactos sincronizados entre os distintos equipos e a miña conta en Google Apps/Gmail.

Despois de probar distintas opcións chegou Zindus un plugin para Thunderbird que permite precisamente isto, a sincronización dos contactos entre o teu cliente de correo Thunderbird e a túa conta en Google, tanto para a túa conta de Google Apps como para as contas de GMail.

Ademáis e como plus no pacote tamén se poden sincronizar os contactos coa plataforma Zimbra, co cal xa non hai escusa pra ter os teus contactos en tódolos teus equipos sincronizados

Para máis información: http://www.zindus.com/

Para descargar: http://www.zindus.com/download-extension/