A informática e a telemática son xa factores importantes na vida social e económica da Galiza. E a administración pública de esquerdas como a Xunta actual que non só ten que aspirar a governar, mais transformar a sociedade galega non pode nen debe ignorá-los, nen pode abster-se de adoptar unha postura meditada sobre certos aspeitos éticos e económicos dos mesmos.

Un destes aspeitos é a acesibilidade dos formatos electrónicos dos ficheiros onde se armacena e transmite a información (html, gif, rtf, etc.), i.e. a maior ou menor abertura dos ditos formatos. Unha das razóns do uso cadora maior da informática é a facilidade coa que se pode copiar e distribuir a información. Mais esta facilidade inicial ve-se entorpecida en moitas ocasións pola existéncia de formatos fechados e proprietários que só son comprendidos cabalmente por un determinado aplicativo informático.