Evento:

Con motivo do inicio do segundo cuadrimestre, AULUSC ten programadas en colaboración coa ETSE, unhas xornadas para aqueles que estean interesados en aprender a instalar e a dar os primeiros pasos con GNU/Linux.

O obxectivo desta actividade é facilitar a iniciación no uso de Linux. Por este motivo, organizamos unha install party a través da que ensinar como instalar Linux no teu equipo de traballo, ofrecendo a nosa experiencia e atendendo tódalas dúbidas que aparezan durante o proceso de instalación. E despois, programaranse varios talleres para coa idea de que lle perdas o medo a Linux e poidas sacarlle o maior proveito a este sistema operativo.

Estas xornadas tamén están especialmente dirixidas ós alumnos de primeiro curso da Enxeñería Técnica en Informática de Sistemas da Escola Técnica Superior de Enxeñería da USC, posto que neste segundo cuadrimestre asignaturas como Metodoloxía e Tecnoloxía da Programación recomendan que o alumno dispoña de un sistema Linux no que desenrolar as súas prácticas.

As xornadas DescubreLinux06 organízanse en unha install party e tres talleres sobre GNU/Linux. Especificamente, as actividades das xornadas son as seguintes:

• Install Party GNU/LinuxA perfecta oportunidade para que por fin instales unha distribución GNU/ Linux no teu equipo! A través dunha sinxela install party axudámosche a instalar UBUNTU no teu ordenador de traballo. Anímate e trae o teu portátil ou sobremesa! [inscripción]
• Taller de introducción a Bash. Unha introducción á liña de comandos de Linux, concretamente a shell bash. Aprenderás as ordes básicas do shell e as súas opcións máis usuais. [inscripción]
• Taller de introducción a GNOME Un taller que pretende ser unha presentación ó escritorio GNOME. Amosaremos algunhas das súas características, ensinarémosche como adaptalo ás túas necesidades. En definitiva, aprenderás como extraerlle o máximo partido a este escritorio! [inscripción]
• Taller de Deseño Gráfico [en construcción]Descubre as ferramentas de retoque fotográfico, debuxo vectorial e maquetación de documentos máis importantes de GNU/Linux. The GIMP, InkScape e Scribus... só falta a túa creatividade! [inscripción]

Esta actividade está aberta a calquera persoa que estea interesada en dar os primeiros pasos con Linux. No obstante, en caso de que houbese problemas de aforo, os alumnos da ETIS e os socios da asociación terán preferencia. A asistencia á install party e ós talleres é libre e gratuíta.

Cartel DescubreLinux 06