Sego a pensar que calquera día Google se nos pon a vender panos de papel ou mesmo coches. O último capítulo deste culebrón chega coa súa nova linguaxe de programación Open Source chamada "Go". Segundo os rumores os enxeñeiros en  Google están descontentos coa "lentitude" de Python  polo que crearon unha nova linguaxe de programación, que tenta arrexuntar a rapidez de desenvolvemento de Python co rendemento de C. Aquí vou explicar como poder probalo na nosa ubuntu e xulgar por nós mesmos.

O primeiro é crear unhas variábeis de contorno no noso .bashrc (ou .zshrc se empregades zsh coma min). Abrimos con gedit o ficheiro ~/.bashrc e engadimos:

export GOROOT=$HOME/go # camiño ao código fonte de Go
export GOOS=linux # sistema operante do noso computador
export GOARCH=386 # arquitectura
export GOBIN=$HOME/bin # lugar onde queremos instalar go
export PATH=$PATH:$GOBIN # engadimos a ruta dos executábeis finais de go ao noso path

Logo de modificar o ficheiro cargamos de novo a configuración da shell:

source ~/.bashrc

Imos agora descargar o código fonte de Go. Ten en conta que tes que ter instalado o SCV mercurial (accesíbel dende apt)

hg clone -r release https://go.googlecode.com/hg/ $GOROOT

Xa temos o código fonte polo que imos compilalo, para iso precisamos algunhas ferramentas que tamén instalamos mediante apt:  bison gcc libc6-dev ed

Feito isto imos compilar:

mkdir $GOBIN
cd $GOROOT/src
./all.bash

Cando o proceso termine e non tiveramos ningún erro, atoparemos as ferramentas necesarias para ocmpilar os nosos aplicativos escritos no último bastión do imperio Gooogle.

Como non facémolo mediante un “Hola Mundo”. Creamos un novo ficheiro ola.go con gedit, e escribimos o seguinte códig:

package main

func main() {
fmt.Printf("Ola Galiza\n")
}

Gardamos e compilamos o ficheiro:

8g hola.go

Se queremos compilar para 64 bits, empregamos o compilador 6g

6g hola.go

O resultado é un ficheiro  hola.6 ou hola.8, co código máquina do noso aplicativo. Para crear un executábel necesitaremos un último paso, que consiste en enlazar o aplicativo mediante o comando 8l (6l para 64 bits)

8l hola.8

Para executar o noso aplicativo executamos:

./8.out