O novo GDM de karmic supón, baixo o meu punto de vista, un atraso sustancial no modo de personalización do mesmo xa que agora non existe a posibilidade de cambiar a súa aparencia de forma sinxela. Isto non significa que non se poida facer. Agora a configuración xa non está no ficheiro /etc/gdm/gdm.conf senón que emprega gconf. A forma máis sinxela de cambiar isto é executando nunha terminal: gksudo -u gdm dbus-launch gnome-appearance-properties os cambios que se fagan ahí repercutirán na aparencia final do GDM.

Pero existen dúas máis, de seguido a máis complicada:

1. Logout da nosa sesión e regresamos ao GDM, onde iniciamos sesión.

2. Sen logearnos, accedemos ao terminal con Ctrl-Alt-F1

3. Iniciamos sesión co noutro usuario e contrasinal.

4. Escribimos: export DISPLAY=:0.0

5. Escribimos: sudo -u gdm gnome-control-center

6. Regresamos con Ctrl-Alt-F7

7. Gnome-control-center aparece cargado. Podemos usalo para personalizar o noso GDM.

8. Preme na icona Aparencia, agora poderemos cambiar a fonte do noso GDM, tema e en especial a nosa imaxe de fondo.

9. Pechamos o gnome-control-center e iniciamos sesión con normalidade.

A última forma déixovola de deberes para a casa, é sinxelo se tes coñecementos (Suxestións: Gconf)